Udako oporren ondoren, denboraldi berriari ekin diogu Paperezko aterpea / El refugio de papel podcastean. Denboraldi berri honetan, hilabetean behin argitaratzeko asmoa dugu baina, aldaketa honekin, aniztasun handiagoa lortzea espero dugu, eta baita bestelako blokeak txertatzea ere; esaterako, gonbidatuei egindako elkarrizketa gehiago.

Denboraldi berriaren lehenengo saioa horren guztiaren adierazgarria da: ekologia eta jasangarritasuna izan ditugu mintzagai, eta María Negro idazlea gonbidatu dugu, Cambia el mundo (Zenith, 2020) bere liburuari buruz hitz egiteko. Gainera, Pili Mendirirekin ohiko gomendioak jorratu ditugu; oraingoan, fikziozko eta ez-fikziozko lanak aukeratu ditugu.

Eta bestalde, hauek izan ziren udan zehar argitaratutako bi saioak:

• 91: Los libros son para el verano (hainbat gonbidatuekin)
• 92: Agua de papel

Ongi etorri Paperezko aterpera!